Loading...

የሲቪል ሰርቪስ ኮሚሽን ኮሚሽነርኢንስቲትዩቱ ጉብኝት

በቅርቡ በጠቅላይ ሚንስቴር ዶ/ር ዐቢይ አህመድ የሲቪል ሰርቪስ ኮሚሽን ኮሚሽነር ሆነው የተሸሙት አቶ በዛብህ ገብረየስ እና ምክትል ኮሚሽነሩ አቶ ብርሃኑ ፈይሳ የኢትዮጵያ ከይዘን ኢንስቲትዩትን ጎበኙ፣ በጉብኝታቸው ወቅት ከኢንስቲትዩቱ አመራር አባላት ጋር ውይይት አድርገዋል፡፡ በተጨማሪም በጃፓን ዓለም አቀፍ ትብብር ኤጀንሲ (ጃይካ) የገንዘብ ድጋፍ 750 ሚሊዮን በሚጠጋ ብር የሚገነባውን የከይዘን የልህቀት ማዕከል መገንቢያ ቦታ ጎብኝተዋል፡፡

የኢትዮጵያ ከይዘን ኢንስቲትዩት ዋና ዳይሬክተር አቶ መኮንን ያኢና የማኔጅመንት አባላትም በኢንስቲትዩቱ ስራዎች ዙሪያ ለኮሚሽነሮቹ ማብራሪያ ሰጥተዋል፡፡ ኮሚሽነሩ አቶ በዛብህ ገብረየስ እንዳሉት ታዲያ ከይዘን የስራ ባህልን በማጎልበት በኩል የሚጫወተውን አወንታዊ ሚና በላቀ ደረጃ ጥቅም ላይ ለማዋል ኮሚሽኑ ከኢንስቲትዩቱ ጋር በትብብር ይሰራል፡፡

በቀጣይ 100 ቀናት በኢንስቲትዩቱ ሊሰሩ የሚገባቸው ዋና ዋና ተግባራት ተለይተው ወደሥራ መገባት በሚቻልበት ዙሪያም ውይይት ተደርጓል፡፡ የኢትዮጵያ ከይዘን ኢንስቲትዩት ለመንግስታዊና መንግስታዊ ያልሆኑ አምራችና አገልግሎት ሰጪ ተቋማት የከይዘን ሥራ አመራር ፍልስፍናን በማሰልጠንና በማስተግበር ጥራትና ምርታማነትን ከማሳደግ በተጨማሪ የሥራ ባህልን በማዳበር በኩል ከፍተኛ ውጤት በማስመዝገብ ላይ የሚገኝ የሥራ አመራር ፍልስፍና ነው፡፡

By |2019-01-23T17:44:38+00:00January 23rd, 2019|ዜና|0 Comments

About the Author:

Leave A Comment