Loading...

የኢትዮጵያ ከይዘን ኢንስቲትዩት አመሰራረት፤

EKI Staffs

እ.ኤ.አ 2008 ግብፅና ቱኒዚያ በጃፓን አጋዥነት የከይዘንን የስራ አመራር ፍልስፍና እየተገበሩ ስለነበር የዚህን ውጤት ሪፖርት ከጃፓን መንግስት ጋር ሲገመግሙ የቀድሞው የኢትዮጵያ ጠቅላይ ሚኒስትር አቶ መለስ ዜናዊ ተገኝተው ጉዳዩን ይከታተሉ ነበር፤እርሳቸውም የከይዘን የስራ አመራር ፍልስፍና ለሀገራቸው እንደሚጠቅም ለመገንዘብ ጊዜ አልወሰደባቸውም፣ከጃፓን የካይን ምሁራን ጋር በጉዳዩ ላይ በስፋት ከተወያዩ በኋላ የከይዘን የስራ አመራር ወደኢትዮጵያ ለማስገባት ወሰኑ፡፡ ድጋፍ እንዲደረግላቸውም ለጃፓን መንግስት ጥያቄ አቀረቡ፤የጃፓን መንግሰትም አወንታዊ መልስ ሰጠ፡፡
በኢትዮጵያና በጃፓን መንግስታት መካከል በተደረሰው ስምምነት መሰረት የከይዘን የሙከራ ትግበራ ፕሮጀክት ተቀረጸ፡፡ በጃፓን አለም አቀፍ ትብብር ኤጀንሲ (Japan International Cooperation Agency} አማካኝነት ለሀገራችን ድጋፍ እንዲሰጡ ከተላኩ የካይዘን አማካሪዎች ጋር በመሆን በአዲስ አበባና በአዲስ አበባ አንድ መቶ ኪሎ ሜትር ዙሪያ የሚገኙ ሠላሳ ኩባንያዎች ተመርጠው ከጥቅምት 2002 እስከ ግንቦት 2003 ዓ.ም የሙከራ ትግበራ (Pilot Project) ተከናወነ፡፡ በሙከራ ትግበራውም ጥሩ ውጤት ከመገኘቱም በላይ የከይዘንን ተሸጋጋሪነትና ጠቀሜታ አረጋገጠ፡፡ ሙከራውን የተገበሩ ኩባንያዎችም በአመራሩ እና በሠራተኛው ላይ ጥሩ የአመለካከት ለውጥ ስላመጣላቸው የምርታቸው ጥራት፣ዓይነትና ብዛትም ጨመረ፡፡ በዚህም ኩባንያዎቹም ሆኑ ሰራተኞች ተጠቃሚ ሆኑ፡፡
በሙከራ ትግበራው በተገኘው አበረታች ውጤት መሰረት መንግስት የፍልስፍናውን ልማታዊ ሚና በመገንዘብና ለልማታዊ መንግስት አመራር ያለውን አመቺነት በመረዳት የከይዘን ፍልስፍና የአመራራችን ፍልስፍና እንዲሆን ወሰነ፡፡ ሌሎችን የለውጥ መሳሪያዎች ከዚህ ፍልስፍና ጋር በማጣጣም መጠቀም እንደሚገባም አቅጣጫ አስቀመጠ፡፡ በቀጣይነት ፍልስፍናውን ለማሸጋገር፣ለማጣጣምና ለማስረጽ የኢትዮጵያ ከይዘን ኢንስቲትዩት በሚንስትሮች ምክር ቤት ደንብ ቁጥር 256/2004 እንዲመሰረት አደረገ፡፡

የሲቪል ሰርቪስ ኮሚሽን ኮሚሽነር አቶ በዛብህ ወልደየስ እንዳሉት ኢንስቲትዩቱ በ6 ወራት ውስጥ ያስመዘገባቸው ውጤቶች ጉልህ ናቸው፡፡ በቀጣይም የትኩረት ነጥቦችን ለይቶ በመንቀሳቀስ የበለጠ ውጤታማ ሊሆን የሚችልበትን አሠራር ዘርግቶ እንዲንቀሳቀስ ኮሚሽነሩ አሳስበዋል፡፡

By |2019-02-13T19:49:22+00:00January 24th, 2019|Uncategorized|0 Comments

About the Author:

Leave A Comment